Тавдугаар сард ихэнх нутгаар олон жилийн дунджаас дулаан байх төлөвтэй ч салхи шуурганы давтагдал их, хуурайшилт нэмэгдэх тул аюултай үзэгдэл болон ой хээрийн түймрээс онцгойлон сэрэмжлэхийг анхааруулж байна.
- Агаарын температур: Баруун хойд болон зүүн хойд хэсгээр олон жилийн дунджийн орчим, бусад нутгаар дунджаас дулаан байна.
- Хур тунадас: Зүүн хойд хэсгээр олон жилийн дунджаас бага, бусад нутгаар дунджийн орчим байна.
- Онцлох анхааруулга: Сарын туршид салхи шуурганы давтамж их, зүүн аймгуудын нутгаар хуурайшилт нэмэгдэх тул ой хээрийн түймэр болон аюултай үзэгдлээс сонор сэрэмжтэй байхыг анхааруулж байна.
1. Баруун аймгуудын нутгаар
- Температур: Увс, Баян-Өлгий, Ховдын хойд, Завханы ихэнх хэсгээр дунджийн орчим, бусад нутгаар дунджаас дулаан байна.
- Хур тунадас: Нийт нутгаар дунджийн орчим.
- Цаг агаарын онцлог: 2-р арав хоногийн дунд, 3-р арав хоногийн эхэн болон сүүлчээр хур тунадас орж, шороон шуурга шуурч болзошгүй.
2. Төвийн аймгуудын нутгаар
- Температур: Хөвсгөлийн баруун хэсгээр дунджийн орчим, бусад нутгаар дунджаас дулаан байна.
- Хур тунадас: Сэлэнгэ, Төвийн зүүн хэсгээр дунджаас бага, бусад нутгаар дунджийн орчим.
- Цаг агаарын онцлог: 2-р арав хоногийн дунд, 3-р арав хоногийн сүүлээр хур тунадас орж, салхи ширүүснэ.
3. Зүүн аймгуудын нутгаар
- Температур: Дорнод, Хэнтийн зүүн, Сүхбаатарын хойд хэсгээр дунджийн орчим, бусад нутгаар дунджаас дулаан байна.
- Хур тунадас: Хэнтий, Дорнод, Сүхбаатарын ихэнх хэсгээр олон жилийн дунджаас бага.
- Цаг агаарын онцлог: 2-р арав хоногийн эхэн, 3-р арав хоногийн дунд болон сүүлчээр хур тунадас орж, шороон шуурга шуурах төлөвтэй.
4. Говийн аймгуудын нутгаар
- Температур: Нийт нутгаар олон жилийн дунджаас дулаан байна.
- Хур тунадас: Нийт нутгаар олон жилийн дунджийн орчим байна.
- Цаг агаарын онцлог: 2-р арав хоногийн дунд, 3-р арав хоногийн сүүлчээр хур тунадас орж, салхи ширүүснэ.
Та юу гэж бодож байна?
